Hermann Hermann Hermann

Flutningar...

2009-05-17T12:36:00.000-07:00

Heil og sæl öllsömul...

Ég hef ákveðið að færa mig um set á síðu sem ég hef hægara um vik að færslast.

Nýja staðsetningin er www.hermannhermann.tumblr.com

Sjáumstumstumstumst

L.A. kvödd

2009-04-30T11:55:00.000-07:00

Yfirmaður minn(Stash) leysti mig út með þessum glæsilega hatti

Mánaðardvöl mín í L.A. er nú að ljúka. Sá lítið meira en skrifstofuna. Þátturinn er þó kominn langleiðina með að klárast þannig að það er ljósi punkturinn í þessu öllu saman. Flug mitt til New York er eftir 9 tíma. Ætla ég mér að forðast þessa blessaða fuglaflensu. Annars er kaninn ekkert að hafa áhyggjur af þessu. Ég sé meira um flensuna á mbl.is en í kringum mig hérna.

Læt ykkur vita ef ég fæ flensuna

í ruglinu...

2009-04-25T02:26:00.001-07:00

Líf mitt þennann mánuðinn:

Kaffi,
Rauðvín,
Ávextir,
sígarettur,
Rugl langir vinnudagar og óheilbrigður skammtur af strandblaki.

Dog Day Afternoon

2009-04-12T23:53:00.000-07:00

Loksins fann ég mér herbergi/íbúð til að dveljast í meðan á dvöl minni í L.A. stendur. Það var orðið svolítið þreytt að gista í barnaherberginu hjá yfirmanni mínum. Fullkominn íbúð í 5 mínútna hjólreiðatúr frá vinnunni minni. Tel ég mig mjög heppinn að finna aðstöðu svona nálægt.
Stefnan er tekinn á grill og afslöppun næstu helgi í garðinum okkar.
John er félaginn sem ég leigi með. Hér er hann með Juleann sem ég leigi herbergið af. Hún hefur verið í Indlandi síðastliðið ár í leit að sjálfri sér eins og hún kallar það. Vonandi að það gangi upp :) John er afslappaður gaur og það sem meira er þá vinnur hann sem aðstoðarmaður fyrir Al Pacino. Þannig að ég mun vinna í því að næsta færsla verði með mér og Big Al eins og ég kalla hann þessa daganna.

Gledilega Paska

2009-04-12T16:52:00.001-07:00

My hood

2009-04-06T17:58:00.000-07:00

New York Times skrifaði grein um hverfið sem ég bý í. Ég fell ekki í flokkinn af svörtum íbúum sam búið hafa þarna í áratugi svo ég hlýt að flokkast í hvíta plebba fólkið sem mætir á svæðið og tekur yfir hverfið.

Hér er greinin

Leiðin mín til vinnu

2009-04-06T13:07:00.001-07:00

Enn einn mánudagur til mæðu ;)

Strandblak klipp í L.A.

2009-04-05T13:14:00.001-07:00

Er lentur í L.A. og er kominn á fullt í að klippa klukkutíma þátt um strandblaks keppni kvenna. Það gerist ekki meira L.A. en það. Hérna eru tvær myndir af vinnuaðstöðunni minni. Mun henda inn fleiri myndum þegar líða tekur á.

sameiginlega svæðið. Við erum með þrjár klippisvítur og svo er annað fyrirtæki "Amber Music" sem sérhæfir sig í tónlist og hljóðmix fyrir sjónvarp.

Klippisvítan mín. Hér mun ég dvelja 75% af apríl mánuðinum.

1 ár sem nýbúi

2009-03-31T08:59:00.000-07:00

Í dag er nákvæmlega 1 ár síðan ég lenti á JFK og byrjaði að fálma mig um í New York.
Borgin hefur farið mjúkum höndum um mig og er skemmtileg tilviljun að mitt fyrirtæki (East Pleasant) vann í fyrradag 5 NYC Emmys. Vann ég þar eina styttu. Við vorum með 13 tilnefningar allt í allt en við unnum allar tilnefningarnar fyrir NYC Soundtracks.

Ég ásamt Aaron klipparadýri

Gleðin var rosaleg og var athöfnin á Marriot hótelinu á Times Square. Það er þó munur á NYC Emmy og hinum klassíska Emmy. Eins og nafnið gefur til kynna þá er NYC Emmy's lókal verðlaunahátið sem einbeitir sér að New York borg. Engin ástæða þó til þess að spila verðlaunin niður þar sem markaðurinn í NYC er í stærra lagi ;). Býst ég við styttunni sjálfri eftir 2 mánuði með nafninu mínu á henni.

Annars er það að frétta að á fimmtudaginn flýg ég til L.A. og mun dvelja þar í mánuð. Ástæðan fyrir flutningi mínum þangað er að fyrirtækið mitt er með útibú í L.A. og þeim vantar klippara til þess að klippa klukkutíma þátt. Verkefnið er "raunveruleikaþáttur" um 16 stelpur sem eru að berjast um sæti í strandblaks mótaröð. Það gerist ekki meira L.A. en það.

Er ég að vonast eftir því að geta leigt mér bíl í L.A. og keyra niður til San Fransico eina af helgunum sem ég er þarna.

Eftir mánaðarlanga dvöl mun ég svo fljúga til New York aftur þann 1. Maí. Sama dag og Hrefna og Ingvar lenda í New York þannig að lífið er tiltölulega ljúft þessa daganna.

Þangað til seinna...

Laugardagur til gleði. . .

2009-03-07T11:48:00.000-08:00

Pasta Partý

2009-03-07T09:02:00.000-08:00

Föstudagskveldið tekið í pasta partý hjá Adam með nokkuð góðum árangri.

America

2009-03-06T15:59:00.000-08:00

Til hamingju með afmælið, mamma...

2009-03-06T12:11:00.001-08:00

Ég vildi bara nota tækifærið og óska mömmu minni til hamingju með afmælið...

Christian Laettner...

2009-03-06T09:25:00.000-08:00

Var að klára þessa auglýsingu. Christian Laettner að gera góða hluti hérna.

Sumir muna kannski eftir Christian Laettner sem spilaði fyrir Minnesota Timberwolfes. Draftaður þriðji á eftir Shaq og Alonzo Mourning. Gat lítið í NBA en var álitin einn af bestu háskólaleikmönnum Bandaríkjanna.

Það er verið að gera grín að þessum endasekúndum. Sem er einn af frægari háskólaleikjum Bandaríkjana og Pitino var þjálfari hins liðsins á þeim tíma.

Fór svo í aðeins frekari gagnasöfnun og rakst á þennan gullmola. Draumaliðið 1992. Laettner í ekki leiðinlegum félagsskap.

Skil satt að segja ekki hvað hann er að gera þarna...

...Hvar er Larry "Grandma" Johnson?

-11, shæze.....

2009-03-03T05:52:00.001-08:00

Loksins almennilegur snjór...

2009-03-02T21:03:00.000-08:00

Þrátt fyrir að ég var að vonast eftir vori þá var þetta þægilega óvænt.

Gott að sjá að við stóðum okkar plikkt of fengum loksins hvalveiðar almennilega í gegn!!!

Þekkir einhver einhvern sem hefur hag eða almennilega ástæðu fyrir því að fá þetta í gegn? Ekki geri ég það. En veiðarnar munu bjarga okkur úr þessari blessaðaðri kreppu því ekki munu Þjóðverjarnir gera það.

Bölvuð vitleysa.

Fært sig um set..

2009-02-28T09:40:00.001-08:00

Laugardagurinn fór í að flytja þær fáu eigur sem maður hefur hér, frá einu herbergi í annað....

Nú er ég kominn í minnsta svefnherbergi sem ég hef haft(er þó með auka herbergi).

Chicken passaði sig upp á að allt gengi vel...

New York 1609 vs. 2009

2009-02-13T09:42:00.001-08:00

Miðvikudagsbolti á Pier 41

2009-02-11T15:51:00.001-08:00

Loksins var ég að finna fótbolta með almennilegum mörkum og ekki sakar útsýnið.
Boltinn er skipulagður af Aðdáendaklúbb Liverpool í Manhattan en þeir sem mæta eru mestmegnis bretar, írar og skotar sem styðja mestmegnis Liverpool en samt er allur gangur á því.

Boltinn og stemmingin er frábær og hef ég harðsperrurnar og blöðrurnar því til sönnunar.
Hef ég verið að spila bolta í Fort Green Park sem ég ágætis gleði. Mörkin samanstanda af fjórum keilum og boltinn eftir því. Mjög gaman að eyða helgareftirmiðdegi í þá gleði en sá bolti hefur aldrei verið almennilegur. Hér er linkur á nokkrar myndir úr þeim bolta. Þessar myndir eru af fyrsta boltanum í janúar.

1/2 Bring the Noise....

2009-02-05T20:16:00.000-08:00

Anthrax & Chuck D | NYC @ Red Bull Snowscrapers | Feb 5 2009 | Madhouse & Bring The Noise from UN:ART:IG on Vimeo.Beið í -8 gráðum í einn og hálfan tíma að bíða eftir Anthrax. Sá einhverja félaga taka nokkur stökk með misgáfulegum árangri.

Loksins steig svo Anthrax á svið. Vissi ekki hvort Chuck D mundi vera á svæðinu eður ei. Þóttist ég samt sjá hann baksviðs að horfa á Anthrax yfir fyrstu lögunum. Lendi í ansi stórum Moshpit sem ég komst úr heill húfi með fartölvuna mína á bakinu.

Eftir nokkur lög var Chuck D svo kynntur til sögunar og "Bring the Noise" fór á fullt skrið. Crowdið apeshittaði. Allir með tölu kunnu textann og Anthrax og Chuck saman voru mjög þéttir til að byrja með. Allt fjaraði síðan út þegar lagið var sirka hálfnað þá klúðraðist helmingurinn af hljóðnemunum þannig að þú heyrðir bara í trommunum í einum gítar. Allt fór í rúst og ég forðaði mér áður en crowdið tapaði sér. Þegar ég var að yfirgefa svæðið var kynnirinn vinsamlegast að biðja mergðina að hypja sig.

Þrátt fyrir bara hálft "bring the noise" vill ég meina að það hafi verið þess virði.Þangað til seinna....

Bring the Noise...

2009-02-05T15:46:00.000-08:00

Er að fara að sjá Anthrax og Chuck D taka lítið númer sem var gefið út back in the day...

"Bring the Noise"

Það er einhverskonar snjóbrettakeppni í Manhattan sem endar á Anthrax sem ég ætla mér að sjá. Orðið á götunni er að Chuck D muni stíga á stokk með þeim og taka lagið með þeim.

Við sjáum til.

Fimbulkuldi....

2009-02-05T07:13:00.001-08:00

Það heldur áfram að vera kaldara í New York...

Djöfull og dauði...

2009-02-03T13:49:00.001-08:00

Níu um morgunn.

Fjögur um daginn.

Þetta er það mesta sem við fáum af snjó í borg óttans. Það er yfirhöfuð alltaf kaldara í New York miðað við Ísland en samt virðist þið fá meira af snjó.

Er ég að biðja um of mikið þegar ég bið um snjóþunga viku?

Posted via Pixelpipe.

Guð blessi sænsku kvenþjóðina

2009-02-02T11:34:00.000-08:00

Lykke Li - I'm Good, I'm Gone from Lykke Li on Vimeo.
Fer í kveld að berja þessa stúlku augum á Webster Hall.

Hef alltaf verið með veikan blett fyrir sænsku kvenfólki. Hún Lykke er ekkert að draga úr því.

sha...

2009-02-01T16:58:00.001-08:00

Kári, Ólöf of ég...

Ég hitti á Kára og Ólöfu á sunnudaginn og horfðum saman á Liverpool - Chelsea á 11th. bar í west village. Úrslitin frábær, gaman að hitta á ættingja og tala íslensku auk þess að ég fékk síðbúna Ensk-Íslenska jólagjafa orðabók. Score

Kannski að maður geti núna byrjað að skilja þessa kanadjöfla :)

Á morgun(mánudaginn 2. febrúar) er svo að bruna upp á Webster Hall að sjá Lykke Li.
Gott stuff...

iPhone færsla...

2009-01-31T10:27:00.000-08:00

Fyrirtækið mitt sló í iPhone síma handa mér þannig að ég er núna að reynslukeyra að blogga frá símanum.

Hér erum við að pússla saman lasagna fyrir Megan, sem að öllum líkindum verður okkar næsti herbergisfélagi núna næstu mánaðarmót. Meira seinna...

Posted via Pixelpipe.

Þolinmæði þrautir vinnur allar...

2009-01-30T06:44:00.001-08:00

Það fer að detta inn færsla...

Þangað til, þá færi ég ykkur Tom Waits

Á skotskónum

2009-01-04T15:48:00.000-08:00

Þessi gullmoli rak á fjöru mína þegar ég leit við hjá Einari Birgi. Þekki manninn ekki en er honum afskaplega þakklátur fyrir að grafa þetta upp. Maður var einharður aðdáandi þessa þátta á sínum tíma. Núna er bara að fara og finna þetta með íslenskri talsetningu.

Þakkargjörð

2008-11-30T08:26:00.000-08:00

Er ég rita þessa færslu þá er þakkargjörðarhelgin að syngja sitt síðasta.

Við Íslendingar erum kannski ekki alveg að tapa okkur yfir þessari hátíð eins og má búast við, en þetta virðist spila ákveðna rullu í hugum Bandaríkjamanna. Þetta er stærsta ferðahelgin í Bandaríkjunum og New York borgin virðist hálftæmast yfir þessa helgi.

"Me & My Pumpkin Pie"

Ég að vitaskuld lagði mitt af mörkunum og bakaði mína fyrstu böku og ekkert minna en graskersböku(pumpkinpie) sem vakti feiknalukku. Fór ég í matarboð hjá Rob og Janette í Redhook (Brooklyn). Þetta var sirka 13 manns þar sem allir komu með eitthvað fyrir hlaðborðið. Máltíðin og félagsskapurinn var mjög góður. Fleiri myndir á féssíðunni minni. Það er að segja fyrir þá sem eru svo heppnir að vera digital vinir mínir, annað en bara analog vinir mínir.

"Íslensku ullarpeysu servíetturnar að gera góða hluti"

Svo til þess að fylgja formúlunni þá fór ég í bíó (stærsta bíóhelgi kanans, skilst mér) og sá Slumdog Millionaire. Feiknagóð fantasía/drama frá Danny Boyle. Mæli hiklaust með henni. Milk er svo næst...

Annars virðist allt benda til þess að maður komi heim yfir jólin 17.-29. des. Þannig að þetta verður það sama. Ginflaska tæmd á Þórsgötunni, maður settur í barnapössun næstu klukkustundir eftir það, svo jafnvel spilaður smá urban bolti og gripið í nokkur borðspil. Þið þekkjið þetta. Mikael Allan verður líka á skerinu þannig að það eru sannarlega jól. Jafnvel spjallað um kreppuna fyrst maður er á Íslandi.

Enda svo á einum gullmola sem féll mér í skaut við rölt um veraldarvefinn. Ef þetta fær þig ekki til að brosa út í annað og kinka kolli í takt synth-ana þá skal ég hundur heita...

Löng helgi

2008-11-06T07:49:00.000-08:00

Seinasta helgi einkenntist af yfirkeyrslu en góðri gleði. Hér er smá samantekt.
Hrekkjavaka
Dagurinn byrjaði í kjallaranum á Lafayette þar sem Danielle var búinn að hrúga nokkrum saman í búningaverksmiðju. Var mesta vinnan lögð í garðbúning og eina gangandi diskókúlu.
Annars tókum við Danielle nágranni á neðri hæð okkur saman þar sem ég var garðálfur og hún garðurinn. Nokkuð gott kombó...
Stefnan tekinn á hrekkjavökuskrúðgönguna í West Village. Aragrúinn af fólki samhliða fjölbreyttu úrvali af búningum var mjög yfirþyrmandi en skemmtilegt. Þar á meðal stærsti Thriller dans síðan fyrir stríð.

Eftir það var stefnan tekinn á tónleika með Apes & Androids. Hljómsveit sem ég vissi ekkert um en hljómsveitin sjálf var mjög góð og mjög góðir live.

Kveldinu var svo lokað á partýi í Williamsburg.

Maraþon

Á sunnudagsmorgni var vaknað átta um morginunn til þess að leggja lokahönd á þá gleði sem íbúar 346 Lafayette þekkja svo vel, Maraþon gleði. En eins og sumir vita þá eru New York búar ekkert að slá við þegar kemur að maraþoninu. 34 þúsund manns tóku þátt í ár og var hlaupið framhjá húsinu okkar eins og fyrri ár. Vöfflur, annað gúmmelaði og írskt kaffi var á boðstólnum við viðburð sem kom mér á óvart hversu vel ég skemmti mér...Birgir Páll
Birgir Páll kom svo á mánudagskveldið og dvaldist í borginni í 12 tíma. Nýttum við þær klukkustundir við að drykkjusvol og vitleysu. Mjög gaman að fá félaga Birgir í heimsókn.
Mér finnst það alltaf jafn frískandi að geta spjallað við einhvern á íslensku frekar heldur en á kanalands ensku.

Obama

Þriðjudagur í þynnku hófst við að ég svaf yfir mig og allir aðrið voru bullandi hamingju yfir kosningunum. Það var seint um kveldið sem ég kom mér loksins út til þess að taka þátt í kosningavökunni. Labbaði inn á Time Square 5 mínútum áður en Obama var tilkyntur sem næsti forseti bandaríkjanna. Viðbrögð allra á yfirfullu torgi tímans voru svo yfirþyrmandi að ég hélt að ég yrði úti vegna hamingju kanans. Fólk grét, hló og dansaði af gleði. Ég upplifði svo mest "Independence Day, Proud to be American" augnablik við að hlusta á ræðu Obama standandi út á miðri stappfullri götu á Time Square. Standandi upp við leigubíll sem hafði skrúfað niður rúðuna og blastað ræðunni(sem og allir bílar höfðu gert) og horft á einn af skjáum torgsins. Fá svo gæsahúð við það þegar Obama endar ræðuna og crowdið byrjar að chanta "Yes we did" og tapa sér. Sjæse hvað það var mikið apeshit.

Fjöllin eru vakandi...

2008-11-01T18:19:00.000-07:00

Ég veit að það er kreppa en hægið aðeins á ykkur að vera kominn í ruglið.

________

2008-10-31T06:01:00.001-07:00

SPLIT SERIES LYKKE LI & EL PERRO DEL MAR - SOMEBODY'S BABY
by lablogotheque

Det Snurrar I Min Skalle

2008-10-27T19:07:00.000-07:00

Eftir að hafa rekist á þetta hjá þeim kumpánum í topp fimm á föstudegi varð ég að henda þessu inn. Taumlaus gleði og öflugt vídeó...

Annars er bara undirbúningur fyrir Halloween á föstudaginn, NYC Maraþon partý á sunnudaginn og ekki má gleyma Birgi Páll Auðunnsyni sem er að detta í heimsókn um helgina ásamt Sunnu.

Allt í allt virðist allt vera á fleygiferð.

2008-10-26T13:04:00.001-07:00

Build-O-Bama

2008-10-21T18:50:00.001-07:00

Maður er kannski orðinn full mikil "Bama" sleikja hérna en ég varð að leggja þetta inn.

2008-10-21T18:32:00.001-07:00

Final from Jeffm on Vimeo.

Íslenskum pólítíkusum er kannski viðbjargandi?

2008-10-19T11:25:00.000-07:00

"Össur Skarphéðinnsson iðnaðarráðherra sagði að hið nýja Ísland sem nú muni rísa muni verða töluvert öðru vísi en það sem var. Þar verði græn hátækni miklu mikilvægari en áður". mbl.is

Einmitt þegar maður var viss um að nú yrði allt virkjað sem hægt sé að virkja á þessum kletti. Þeir eru víst ekki allir gegnsósa hálfvitar.

En sjáum til....

2008-10-19T11:20:00.000-07:00

18 ár...

2008-10-18T21:40:00.000-07:00

Einhvernveginn verður það erfiðara og erfiðara að skammast út í Kuyt. Vinnusamasti leikmaðurinn við Mersey. Gaman að sjá Liverpool vera að vinna leiki þar sem þeir lenda undir. Þeir hafa engan veginn verið í þeim gírnum síðastliðinn ár.

Annars verður einhver að gefa mér upp slóð þar sem ég get horft á leikina í beinni á netinu. Ég get ekki verið að vakna eldsnemma og taka á mig klukkutíma ferðalag til þess að horfa á leikina(kannski þegar þeir eru svona). Einhver?.....

2008-10-17T18:24:00.001-07:00

Klukk tíu x fjórir

2008-10-17T14:10:00.000-07:00

Magnea sá víst um að klukka mig með nokkrum vel völdum spurningum.
Maður á víst ekki að venja sig að segja nei við hana...

Þannig að...
1. Fjögur störf sem ég hef unnið um ævina:
- Umönnun á Kópavogshæli
- Skúrað í Viðeyarstofu
- Busboy á skuggabarnum
- Í fullu starfi við að keyra á hjá bæjarvinnu Kópavogs

2. Fjórar íslenskar bíómyndir sem ég held upp á:
- Sódóma Reykjavík
- Englar Alheimsins
- Nói Albinói
- 101 Reykjavík

3. Fjórir staðir sem ég hef búið á:
- West side of K.
- Mín glæstu heimkynni á Háteigsvegi
- Lyngby (Danmörku)
- Brooklyn

4. Fjórir staðir sem ég hef heimsótt í fríum:
- Portúgal
- Liverpool (Bretland)
- Landskrone (Svíþjóð)
- New York

5. Fjórir sjónvarpsþættir sem mér líkar:
- Its Always Sunny in Philadelphia
- Arrested Development
- New York City Soundtracks
- The Wire

6. Fjórar síður sem ég skoða daglega:
- mbl.is
- ffffound.com
- brooklynvegan.com
- ohmyrockness.com

7. Fernt matarkyns sem ég held upp á:
- Sushi (af öllum stærðum og gerðum)
- Almennileg kjötsúpa (fyrir kreppuna)
- Hvað sem er á matseðlinum hverju sinni hjá Marlow & Son
- Kjúklingarétturinn hennar mömmu

8. Fjórar bækur/blöð sem ég held upp á/les oft:
- Hundrað ára einsemd
- Last Exit to Brooklyn
- New York Times
- Not For Tourists (New York)

9. Fjórir staðir sem ég vildi vera á núna:
- Handan við hornið á þessari kreppu
- Í faðmi fjölskyldunar
- Týndur í heiminum með bakpoka á bakinu og margra mánaða ferðalag í sjóndeildarhringnum
- Undir stýri við akstur þvert yfir bandaríkin (áætlað 6 vikna plan í lok dvalar minnar í ríki Obama, vor 2010. Áhugasamir skrái sig hér fyrir neðan)

10. Fjórir bloggarar sem ég á að klukka:
- Bloggarinn sem lætur okkur hin líta út eins og óskrifandi bjána - Lygi Xela
- Siggi & Sól
- Séra Flame (reisa þennan úr gröfinni)
- Vignir Rafn

Vill síðan enda á nokkrum auglýsingum úr herferð sem fyrirtækið mitt var að pússla saman fyrir kosningaherferð Obama.
Mac vs. PC auglýsingarnar yfirfærðar á McCain og Obama

The Fundamentals of the Economy from Vote Bama on Vimeo.

Lobbyist for McCain from Vote Bama on Vimeo.

Suspension from Vote Bama on Vimeo.
votebama.com

Njótið vel.....

Joe plumber

2008-10-16T17:45:00.000-07:00

Forsetakosningaherferðin eru í fullum þunga. Ástandið hér í New York er svolítið hlutdrægt fyrir herra Obama og verð ég að segja það að það væri gaman að fá nokkra Rebúblikana inn í umræðuna í kringum sig hérna. Hleypa smá lífi í umræðuna. Frekar líflaust þegar allir eru gegvænlega sammála.

Annars er ég bara að bíða að við komumst í öryggisráðið. Það mun beina okkur á hina beinu og réttu braut í hinum síðustu og verstu...

Annars er áhugavert hvað verðmætamatið hjá manni hefur breyst síðustu vikurnar. Maður blikkar ekki Við að heyra að við höfum eytt kvartmilljarð í kosningaherferð fyrir öryggisráðið, finnst að við hefðum auðveldlega getað eytt þeim mun meira í þá gleði. Nóg var af milljörðunum í gangi nú bara fyrir nokkrum vikum síðan.

Jæja krakkar...

Nýlentur í heimsborginni

2008-10-10T18:42:00.000-07:00

Legit, nýlentur og kominn í bólakaf með lungun full af lofti í borginni sem aldrei sefur. Fyrsta stopp var kveldstund með Beck Hansen. Helvíti ánægður með að hafa komist á þessa blessaða tónleika. Get strikað hann af listanum. Húsnæðið var gullfallegt en út í rassgati. United Palace var lengst uppá 175 stræti. MGMT hitaði upp og voru mjög þéttir. Sumir vilja meina að þeir hafi verið betri en Beck. Ég vill blása á það. Beck tók við og var keyrslan á honum gríðarleg. Eins og sést á settlistanum þá hljóp hann nokkuð vel yfir ferilinn, auðvitað voru nokkur lög sem maður hefði viljað fá en á það ekki að vera þannig.

Hérna er settlistinn:

Loser
Nausea
Girl
Timebomb
Minus
Soul of a Man
Mixed Bizness
Nicotine & Gravy
Que Onda Guero
Ghettochip Malfunction/Shake Shake Tambourine/Clap Hands
Devils Haircut
Think I'm in Love
Modern Guilt
Orphans
Walls
Missing
Chemtrails
Golden Age
Lost Cause
Where It's At

Uppklapp:
Gamma Ray
Leopard-Skin Pill-Box Hat
new song
E-Pro

meira seinna....

Komradinn kveður

2008-10-07T09:19:00.000-07:00

Kaninn hefur loksins tekið við sér og ákveðið að samþykkja mig sem vinnuhest fyrir hið fallandi kapítalíska stórveldi. Stórfurðulegt miðað við að maður er sama sem kominn með rússneskt ríkisfang. Á pappírum er ég með leyfi til þess að þjösnast í vinnu hjá þeim næstu 18 mánuði. Tek því fagnandi að flýja klakann og fá borgað í dollurum. Sjáum til hversu lengi það mun endast.

Fyrsta sem verður gert við lendingu í eplinu verður að sjá komrad Beck í Harlem...

Flýg miðvikudaginn 8 október út. Bið að heilsa öllum og þakka fyrir dvölina og góða tíma. Verð á Kársnesbrautinni í faðmi fjölskyldunnar á þriðjudagskveldið ef einhverjir vilja stinga inn hausnum.

Ef ekki þá sjáumst við samt allavega vorið 2010.

leitað að nýju looki

2008-09-16T18:49:00.000-07:00

Eftirfarandi mynd mundi ég segja að bæri vitni um að ég hafi meiri frítíma eftir að NYC Soundtracks serían loksins leið undir lok. Vil ég þakka monitor.is fyrir að hafa ofan fyrir mér meðan ég ætti að vera að vinna. Ég var bara ólmur að vita hvernig ég mundi líta út á hinum mismunandi tímabilum liðinar aldar. Persónulega er ég hrifnastur af 1956 (neðst til hægri).

Hugurinn leitar á heimaslóðir. Lendi ég nokkrum tímum áður en Kiddi og Sara ganga kirkjugólfið á laugardeginum. Gott stuff.

Það stefnir allt í það að ég sé að fara að skrifa þriðju færsluna í röð um að ég sé að koma til landsins. Vík af þeirri braut hið snarasta og vill lauslega snerta á þeirri staðreynd að ég var í afslöppun á Union Square að fá mér að borða og ákvað þá Bylgja Ægisdóttir að tölta framhjá. Það virðist vera að hún sé nýflutt til New York. Ég er ennþá að fríka út yfir þeirri súrri tilviljun að hafa rekist á hana.

Hélt garðveislu á sunnudaginn í tilefni endaloka sjónvarpsseríunar. David Garvoille herbergisfélagi minn tók sig saman og smellti af nokkrum myndum.

Hér er ég voldugur við grillið.

Gamli góði bananinn með súkkulaði, hnetum og ís á grillið vakti feiknamikla lukku. Það ásamt handbolta er að slá í gegn í Brooklyn.

Arlavega á heimleið... Pálmi, "take it away"...

Staðfest heimkoma....

2008-09-05T16:55:00.001-07:00

Já það er rétt. Smá uppfærsla. Ég mun lenda á skerinu föstudaginn 19. september. og yfirgef pleisið þann 30. sept. Brúðkaup, 3 blikaleikir og Urban föstudagsbolti á dagskrá meðal annars.

Bara svo þú persónulega sért "in the know".

Sjáumst...

Lítil færsla fyrir þyrsta...

2008-08-27T23:03:00.000-07:00

Smá status check

Atvinnuleyfi: Yfirmenn mínir loks að taka við sér og áætla að vinnuleyfið detti inn jafnvel á næstu vikum. Með loðnum loforðum um væna launahækkun og fríðindi. Með þeim afleiðingum að ég dveljist í þessum bæ eitthvað áfram.

Heimkoma: Áætluð heimkoma yrði 19. september og vonast er að ég gæti dvalist á heimaslóðum í rétt rúma viku, náð þremur blikaleikjum en það sem meira er, náð að verða vitni að öldnum vini stíga skrefið til fulls. Séra Flame mun stíga á svið sem honum er mjög hugleikið, Langholtskirkju/Digraneskirkju og gifta sig.

Almenn heilsa og andlegt ástand nokkð gott. Hef náð að rata minn veg á hjólinu án beinbrota og mikilla trafala. Þessi bær er að fara nokkð vel með mig. Hlakka samt til að rölta um á heimaslóðum og sjá kunnugleg andlit.

Smá ástarballaða að gefnu tilefni. Hvar værum við án þeirra....

helgin sem leið....

2008-08-19T10:00:00.000-07:00

Vaknaði klukkan átta um morguninn á laugardaginn til þess að sjá strákana okkar komast í átta liða úrslitin. Kanadjöflarnir hafa ekki hundsvit á handbolta sem lýsir sér í því að ég finn hvergi leikina í sjónvarpi. Þarf að fara online til að finna þetta helvíti. Alltaf áhugavert að sitja í herberginu mínu og öskra á tölvuna mína eldsnemma morguns. Maður vaknar allavega við það. Fór eftir það upp á 11. stræti og B breiðstræti til þess að sjá minn mann Aurelio spila síðustu 15 mínuturnar í fyrsta leik Liverpool á þessu tímabili.
Stemmingin þar er verð ég að segja nokkuð voldug. Hef ekki upplifað svona sterka stemmingu á skerinu...

Eftir það var brunað upp á Central Park til að sjá Battles spila. Nokkuð þétt.
Eftir Battles var grillveisla í bakgarðinum hjá mér, nokkuð góð gleði.

Eftir að hafa tekið sér laugardaginn í "afslöppun" tók við ruglið enn á ný. Að klára eitt svona stykki þátt af NYC Soundtracks á innan við viku, hverja viku, er frekar mikil bilun. En ég get hughreyst mig við að eftir næsta þátt fáum við tvær vikur til að klára næsta þátt, því það verður ekki þáttur næsta sunnudag.

Annars er ég að vinna í því að glepja eldri bróðir minn hann Friðjón til þess að heimsækja mig í október til þess að koma með mér á Beck tónleika sem ég hef áskotnast miða á. MGMT og Spoon hita upp (ekki þó Emilíana Torrini, heldur hitt Spoon bandið).
Sætin eru heldur ekki amaleg (X marks the spot).

Auk þess var ég að fá fregnir af því að Neil Young mun spila í Madison Square Garden 15. Des.
Ég mun ekki missa af því. Áhugasamir hafi samband.

Er núna að vinna á miðnætti og bíða eftir Pólland leiknum sem byrjar 2am.

Shining Escalade

2008-08-16T08:21:00.000-07:00

"útsýni af Manhattan brúnni"

Maður er nú kominn með grænt fótspor á stærð við nálarauga. Ég er kominn í hóp blóðheitra hjólreiðramanna í borg New York borgar.
Er fákurinn jafnt notaður fram og til baka í vinnu og nú bara fyrir 'rollin' í hverfinu mínu. Fer ég yfir manhattan brúnna til þess að komast í vinnuna og tekur það mig rétt rúmlega 20 mín (samanber 30 með lestinni).

Ég var búinn að vera með hugann við að ráðast í þetta verkefni nú í nokkurn tíma og þegar ég sá þennan stálfák á markaðnum mínum var ekki aftur snúið.

Eins og kannski þið getið séð þá er ég loksins búin að fjárfesta í myndavél þannig að þið megið búast við aðeins myndrænni færslum en gerist og gengur. Þess heldur getið þið scrollað aðeins niður og smellt á myndaalbúmið mitt og snuðrað um þar.

Þangað til seinna.

Thug Life...

2008-08-08T21:40:00.000-07:00

Fólk virðist vera komið með nóg af nostalgíufærslunni minni þannig að það er jafnvel að maður fari að uppfæra mitt fólk um mína hagi....

Er búin að vera vinna eins og berserkur síðastliðnar vikur. Fjórði þáttur mun fara í loftið næstkomandi sunnudag (það er sunnudaginn 10. ágúst ef ég skyldi láta jafnlangan tíma líða og milli færsla aftur). Lítið annað að frétta nema að það virðist vera að ég sé komið í kerfið hjá kananum. Ekki þó vinnuleyfi eins og maður mætti halda. Maður er svoddan thug að maður náði sér í sekt fyrir drykkju á almannafæri. Með bjór undir hönd 3 um nóttu á laugardegi í Williamsburg. Friggin 5-0.

Ekki stórmál þannig, 25 dollarasekt og málið er dautt.

Týpískt þó ef að ganga mín með Stellu í krumlunni muni koma mér í bobba með vist mína á þessu pleisi.

Leyfi ykkur að hafa áhyggjur af mér þangað til næstu færslu...

Peace out....

Ein færsla fyrir nostalgíuna...

2008-07-21T16:58:00.000-07:00

Var að rekast á þetta. Ég veit ekki um ykkur en ég man eftir mér að horfa á þessa seríu sirka 6 eða 7 ára með Mike og fríka út af hræðslu af misvel gerðum geimverum sem hafa ekkert gott í hyggju fyrir blessaða mannkynið. Rámar að stöð 2 hafi sett þennann gullmola í loftið.

Eitthvað segir mér að þessir þættir eldist ekki vel. En þau fá samt plús fyrir góða búninga og funky "shades".

annars lítið að frétta

6-1 !!!!!!!

2008-07-20T14:02:00.000-07:00

Blikarnir virðast hafa átt stórleik gegn skagamönnum...

Erum við að tala um þriðja sætið?

Son of a mother

Til hamingju blikamenn

"Wish I was there"

Afslöppun í garði Greene!!!

2008-07-19T13:42:00.000-07:00

Fyrsta fríhelgi mín í langan tíma...
Hef ég skipulagt hana af miklum eldmóð, þrautseigju og útsjónarsemi.

Öll helgin skal vera undirlögð af eftirtöldu:

1. Hanga.
2. og gera ekki neitt.

Enn og aftur hef ég misstigið mig í skipulagningu. Gerði þau mistök að fara aftur að spila fótbolta í Fort Greene. Nú í tæplega 40 gráðum og massívum raka.

Það virðist vera að ég þurfi að bíða eftir haustinu til þess að geta spilað bolta af fullri getu. Ég endist alltaf í sirka hálftíma í svona hita og þá verð ég að láta mig hverfa til þess að innbyrða sirka líter að vatni og kæla mig niður. Ég er ekki byggður fyrir svona hita.

Annars er ég að vinna í því að leigja íbúðina mína út. Mínir elskulegu foreldrar virðast jafnvel vera að komast til botns í þessu. Aldrei að vita.

Hjörvar í Tyrklandi með Robba.

Megi guð geyma Tyrkina gegn þessum vitleysingum

Annars er ég að stefna á að sjá Feist í næstu viku.

Flestir ættu að kannast við stúlkuna, en hún sló í gegn með annari plötu sinni "The Reminder" í fyrra. Þeir sem ekki kannast við um hvað ég tala mæli ég með að sá/sú vinni úrlausn vanda sinna og útvegi sér eintak. Undirritaður ábyrgist gripinn.

Hér er hún ásamt nokkrum hressum félögum úr stræti Sesams

NYC Soundtracks

2008-07-13T11:55:00.000-07:00

Fyrsti þátturinn af NYC Soundtracks fer í loftið klukkan 8:00 PM að mínum staðartíma. Hef ég varið mestum mínum tíma síðan East Pleasant réð mig í þetta verkefni. Þetta ku vera fyrsti þátturinn af 8. Fyrir frekari upplýsingar mæli ég með að horfa á meðfylgjandi vídeó. Þetta er fyrsta hólfið af fyrsta þættinum (11 mín.). Nokkuð skemmtilegt verkefni. Af því tilefni munum ég og samstarfsfélagar mínir mæla okkur mót, horfa á þáttin og gera okkur glaðan dag(kveld).

Bið ykkur vel að lifa...

Ég er farinn til að reyna gera mér dælt við þáttastjórnandann...

farið þið því vel með ykkur

Nothing but Grace...

2008-07-07T09:51:00.001-07:00

28 ára í dag...

Gamla hreiðrið aftur á markaðinn

2008-07-03T19:02:00.001-07:00

Ég er að fara setja þessa elsku aftur á markaðinn í upphafi ágúst. Þið sem hafið bara þokukenndar minningar um óðalsetur mitt þá er þetta þriggja herbergja höll í "hjarta" borgarinnar. Drekkhlaðið af gourmet húsgögnum samhliða því að vera bakkafull af sál.

Áhugasamir ásamt öðrum með ábendingar hafið samband við mig (HermannHermannHermann@gmail.com)

Knoxville

2008-06-30T16:52:00.000-07:00

Frekar skrautleg ferð lokið í biblíubelti Bandaríkjanna. Ferðin var allt sem ég hafði hugsað mér og meira til.

Eitt hefur þó kyrfilega sannreynt sig. Ég þarf að fá einhverja aðra til að sjá um mína ferðahagi. Sumir mættu halda að missa af fluginu til Íslands í SÍÐUSTU viku hafi verið nóg til þess að hrista upp í undirrituðum til þess að vera aðeins meira var um sig. En nei....

Rétt rúmlega tveim dögum áður en ég lagði af stað þá fór ég á netið og fjárfesti mér í flugmiða til Knoxville og til baka fyrir tónleikana. Taldi ég mig standa mig nokkuð vel. Allt þar til ég mæti á svæðið á Newark flugvellinum í New Jersey. Þá kemur það í ljós að ég hafði bókað flugið fram og til baka seinustu helgina í JÚLÍ en ekki júní. Þannig að ég var sirka 4 vikum á undan áætlun uppi á flugvellinum. Þar þurfti ég að punga út 150 dollurum til að breyta flugmiðanum til Knoxville.

Lítið annað í stöðunni heldur en að kyngja þessu. Smávægileg töf á fluginu en ég var kominn um áttaleytið á laugardagskveldi í miðbæ Knoxville þar sem Mary Ward tók á móti mér ásamt föruneyti hennar þar sem stefnan var tekinn á Toots, lítinn bar nokkuð frá miðbænum. Þar var rudda góð country kareókí stemming. Þar var drukkið mikið af vískí og Pabst Blue Ribbon könnum sem er orðinn minn drykkur þarna í kanalandinu virðist vera. Vakti það mikla lukku þegar ég var búin að drekka í mig hugrekki til að taka Sweet Caroline. Heimamenn virtust þekkja það lag eitthvað. Allavega var hressilega tekið undir. Ég spilaði Íslendingaspilinu all hressilega út það kveld og var það líka að svínvirka svona vel. Það kveld endaði svo á því að hálfur barinn tók saman Piano Man saman. Allt í allt mjög góð upphitun fyrir næsta dag.

YeeHaw plakat búðin í miðbæ Knoxville

Sunnudagurinn var tekinn í túristaafslöppun. Gengið um bæinn og tekið myndir(kemur inn seinna). Var búin að steingleyma leiknum en ég rambaði inn á hann fyrir tilviljun þegar ég labbaði inn á bar til þess að nota salernið. Nokkuð margir að fylgjast með leiknum. Sem ég held að hafi allt verið aðkomufólk til þess að sjá tónleikana. Mér skilst að Knoxville búar séu lítið hrifnir að knattspyrnu. Arlavega Spánn vann :) Þannig að ég rambaði nokkuð sáttur út og taldi Tom Waits loks tilbúinn til þess að taka á móti mér. Fór ég á tónleikna með Mary hýslinum mínum ásamt tveimur öðrum stelpum sem keyrðu til Knoxville frá Fíladelphíu fyrir minn mann.

Sætin voru hörku góð. Dead center önnur röð á svölunum. Tom kom sá og sigraði. Renndi í gegnum mikið af sínum ferli, sagði sögum, sló um sig nokkrum bröndurum, rokkaði stíft og meyrði allnokkur hjörtu allt saman í rúmum þremum klukkustundum.

Lagalistinn:

Lucinda/Ain't Goin Down to the Well
Way Down in the Hole
Falling Down
Hang Down Your Head
Chocolate Jesus
God's Away on Business
Get Behind the Mule
Metropolitan Glide
Trampled Rose
Cold Cold Ground
The Part You Throw Away
Rain Dogs/Russian Dance Black Market Baby
Black Market Baby Rain Dogs/Russian Dance
On the Nickel
Christmas Card from a Hooker in Minneapolis
You can Never Hold Back Spring
Lucky Day
Innocent When You Dream
9th and Hennepin
Lie to Me
Eyeball Kid
House Where Nobody Lives
Make it Rain
Jesus Gonna Be Here
House Where Nobody Lives
Eyeball Kid
Make It Rain

Fannin Street
Come on up to the house

Gríðarlega öflugir tónleikar og verð ég að segja að þeir séu nokkuð ofarlega á listanum yfir þá betri sem ég hef séð.

En sökum hjákátlegra ferðaaðstæðna mína þá tók ég þá furðulegu afstöðu að taka Greyhound rútu til New York. Ódýrasti kosturinn og taldi ég það vera rómantískan og mjög svo "Tom Waits-legan" kost í stöðunni. Sú skoðun rann mjög hratt af mér. Rútan lagði af stað rétt eftir miðnætti frá Knoxville og eyddi ég næstu 18 klukkustundum í þessari !%!#$%&# rútu. Allt í kringum mig voru miðaldra þeldökkar konur á leið á kirkjuþing í New Jersey. Þeirra helstu áhyggjur voru að kirkjan þeirra myndi ekki geta flutt messu sökum fjarveru þeirra. Þar sem þau voru nú allar í Gospel kórnum.

View Larger Map
Þannig að sirka þrettánhundrum kílómetrum seinna um kveldmatarleytið á mánudeginumgÉg var að lenda svo í New York. Þreyttur, sveittur og agalega frústreðaður á þessum kristnu hefðarfrúm frá Chattanooga. Aldrei aftur.

Að vísu aldrei segja aldrei... Ég á nefnilega ennþá flug frá Knoxville til New York í lok júlí :)

og þannig lýkur lengstu færslu minni til þessa...

þangað til næst

Lentur aftur í hringiðunni

2008-06-27T13:05:00.000-07:00

Ég er kominn aftur í vitleysuna.

Lenti á laugardagsmorgni á Íslandi, sökum þess að hafa misst af fluginu heim á föstudeginum :( Algjör vitleysa af minni hálfu þar sem ég las af vitlausum flugmiða hvenar flugið væri. Fyrsta stopp var að hitta á Anitu hans Friðjóns. Gullfalleg stúlka þar á ferð.
Brunaði svo beina leið til Stykkishólmar með Friðjóni til að stinga hausnum inn á fjölskylduættarmót. Góð gleði og grill. Tapaði samt sirka 5 sinnum í röð í viking kubb.
Síðan var stefnan tekinn aftur á borgina. Þórsgatan varð fyrir valinu þar sem Björn Valsson hýsti mig og Sapphire gin flöskuna mína. Það var langt gengið á flöskuna áður en herjað var á bæinn.

Sunnudagurinn var svo tekinn nokkuð í móðu og þynnku. Sólbruni á Rútstúni og afslöppun á kársnesinu yfir lélegum Spánn - Ítalíu leik.

Mánudagurinn var tekinn með skipulögðum hætti þar sem lausum endum var stungið undir teppið, Prinsinn þeirra Andra og Maggý heimsóttur, Tercelinn kvaddur, Háteigsvegurinn skipulagður og horft upp á Breiðablik tapa fyrir Fram.

Brunað til NYC svo á þriðjudeginum. Mun vinna eins og skepna fram að laugardagsmorgni þar sem ég flýg til Knoxville. Tom Waits baby. Er búin að fjárfesta í flugmiða og finna mér sófahýsil. Þannig að ég næ laugardagskveldi í downtown Knoxville ásamt tónleikunum á sunnudagskveldinu áður en ég flýg til NYC á mánudeginum.

Það á víst að vera enn heitara þar.

Velmegunarvandamál.

Missti af fluginu....

2008-06-20T15:32:00.000-07:00

Thats right...

Mér tókst nátturulega að missa af fluginu mínu. Ég ætla að spara mér niðurlæginguna og sleppa því að lýsa því ferli. Ég fékk að stökkva á næsta flug til KEF, þannig að ég lendi snemma á laugardagsmorguninn.

Ég hef annars ekkert heyrt af mínum mönnum í því gengi sem Urban er.

Er einhver í bænum eða hvað???

Annuals, Tom Waits og Modest Mouse

2008-06-19T13:40:00.000-07:00

Yeps Annuals í gær á Union Pool.
Modest Mouse í nótt í Music Hall of Williamsburg og
Tom Waits næstu helgi i Knoxville...

En það sem meira er...
Þórsgatan á laugardaginn...

Ljósmyndir

2008-06-17T22:23:00.000-07:00

Ég sakna Poilaroid myndavélinar minnar...

Þrír dagar í heimferð...

Einhver með lausa dagskrá á laugardagskveldið?

Hugur leitar heim...

2008-06-12T20:05:00.000-07:00

Það flýgur að heimferð. Ég er að vísu enn að bíða eftir staðfestingu á því, en að öllum líkindum mun ég lenda rétt fyrir miðnætti á föstudagskveldi þann 20 júní. Á klakanum bíða mín tveir nýjir fjölskyldumeðlimir. Aníta Sólveig Friðjónsdóttir og Bella Elísudóttir. Það verður heldur ekki leiðinlegt að hitta gömlu fjölskyldumeðlimina...þótt ég hafi hitt þá áður.

Dvöl mín verður stutt þar sem ég flýg aftur vestur þriðjudaginn 24. júni. Hér er brot af því sem ég ætla mér að ná að gera :)

- Heiti potturinn í Kópavogslauginni
- Kjúklingarétturinn hennar mömmu
- Hitta Anítu
- Fram-Breiðablik
- Tala Íslensku
- Ættarmót á Stykkishólmi
- Þurfa að fara í peysu til þess að verða ekki kalt
- Big Daddy-Sha fjölskylduafslöppun
- Kveðjuathöfn fyrir Tercel-inn
- Morgunblaðið í blaðaformi
- Labba um í umhverfi sem ég þekki út og inn
- Roadtrip með bræðrum mínum
- Ristað brauð með smjeri og osti
- Fótbolti með almennilegum mörkum
- Útsýnið af Kársnesbrautinni
- "Landlord" heimsókn á háteigsveginn
....og síðast en alsíst, vonandi ná að hitta á vini og góðkunningja(að öllum líkindum verður laugardagskveldið tilvalið). Einhverjar uppástungur?

Laugardagskveld í borginni....

2008-06-07T19:21:00.000-07:00

Eyddi deginum í að vafra um borgina í 35 gráðu hita. Flúði í vinnunna til að fá loftkælingu. Stakk af þar til þess að sjá Indiana Jones (ekki góð) og er nú að gíra mig upp í að fara á Mehanata: Bulgarian Bar á Ludlow Street. Þessi félagi er að deejeija....
Sum ykkar máski kannast við kauða sem söngspíran úr Gogol Bordello (Eugene Hutz). Hér meðfylgjandi er tónlistarmyndband með hljómsveitinni hans. Sem bæ þe vei var skotinn á fyrrnefndum bar :)

Arlavegana....

Going to get drunk

Gaman að vera Bliki....

2008-06-05T19:57:00.000-07:00

Þessi færsla er tileinkuð Önnu Bergljótu Thorarensen.
Ég var búin að steingleyma þessari mynd þangað til hún setti hana upp á fésbókinni sinni.
Takk Anna BeggaBlikaleikirnir eru nokkuð ofarlega á lista yfir þá sem maður saknar. Mér skilst að þetta sé við sama heygarðshornið. Annar hver leikur er góður. Hvað er annars með Malla? Maður heyrir ekkert af honum?

Annars bendir allt til þess að maður nái Fram-Breiðablik næstkomandi.Maður er á heimleið. Löng helgi og svo er maður floginn aftur í ríki Obama. Kem að öllum líkindum föstudaginn 20. júní og sting svo aftur af 24. júní. Vonandi nær maður að troða sér inn í steggjun eða svo. Jafnvel að lyfta mjöðbjór, einum eða tveimur. Aldrei að vita.

Lærlingar, loftkæling og bókasafnsskápar

2008-06-03T06:21:00.000-07:00

Eg náði að afreka það að setja upp loftkælingakerfi í herberginu mínu í mitt fyrsta skipti. Hitinn þessa daganna er að skríða upp í 30 gráður þannig að ég gæti fundið vitlausari hluti heldur en að setja upp smá loftkælingu. Sérstaklega miðað við það að sá sem leigði herbergið á undan mér, skildi eftir sig loftkælingarkerfi handa mér.
Eyddi síðustu helgi mestmegnis í það að spila fótbolta í Fort Greene garðinum. Þar er hópur sem kemur saman á hverjum degi til þess að spila tvo tíma í senn. Þannig að maður er orðinn ágætlega grillaður að spila fótbolta í 30 gráðum. Djöfulsins sviti og viðbjóður er það (en samt stórfelld gleði). Eini mínusinn er að þeir spila á hokkímörk vegna þessað það er enginn mörk í garðinum.

Fyrirtækið er að fyllast af lærlingum til þess að skipa fyrir. Það verður áhugavert. Mér skilst að það verða allt að 4 lærlingar á hverjum degi til þess að hlýða öllum mínum duttlungum. Rock & Roll.

Vorum að flytja inn 3 stóra bókasafnsskápa. Þessa sem héldu utan um flokkunarkerfið en eru nú úreldir þegar flest bókasöfn er orðin stafræn. En skemmtilega við það að stærð skúffana fittar fullkomlega fyrir utanaðliggjandi drifin sem fyrirtækið notar fullt af.og svo til þess að uppfylla tónlistarkvótann...
Búin að vera með þetta lag á heilanum seinustu tvær vikur. Elbow er breskt band. Hef ekki heyrt um þá áður og hef ekki hugmynd hvort þeir séu vinsælir eður ei. Skilst að þeir séu búnir að vera að sídan rétt fyrir aldamót.

Föðurbróðir !!!

2008-05-24T08:48:00.000-07:00

Jepps

Fregnir frá skerinu í þetta skiptið. Ég flyt stoltur fréttir af stækkun fjölskyldunar. Friðjón er nýbúin að taka við föðurhlutverki þar sem hann eignaðist gullfallega stúlku á mánudaginn.

Hún er 12 merkur og henni farnast vel. Ég vil persónulega þakka Friðjóni fyrir að létta álagið á mér og Hjörvari og færa mömmu barnabarn (og stúlku í þokkabót). Mun ekki ganga það langt að biðja um nafnbótina Hermína samt.

Til hamingju.

Summer in the City

2008-05-19T06:42:00.000-07:00

Afsakid biðina

East pleasant er tiltölulega ungt fyrirtæki sem er að koma sér ryðja sér rúms í stóra eplinu(verð að fara vinna í því að finna betri nöfn á þessari borg, bíð eftir uppástungum). Skemmtilega við staðsetninguna á fyrirtækinu er að fyrirtækið er við sama götuhorn og ég bý við. Lafayette & Grand St. Eini munurinn er að ég er á Avenue í Brooklyn en East Pleasant er í L Street á Manhattan.

Arlavegana, félagarnir í East Pleasant sáu sér hag í því að ráða mig sem aðstoðarklippara. Vilja glaðir borga mér undir borðið og vilja enn frekar vinna í því að útvega mér atvinnuleyfi. Fyrstu verkefnin sem er uppi á borðinu eru nokkur fyrir NFL deildina!!! og svo er ég byrjaður að vinna í NYC soundtrack. 8 þátta seríu sem er í kjarnann nokkurs konar NYC subway X-Factor. Frekar hrá keppni milli þeirra sem spila sér til uppihalds jafnt og þeirra sem spila sér til skemmtunar og frama á lestarpöllun New York borgar (enn á ný, vantar gælunöfn).

Mun samt koma á skerið í lok júní. Það þýðir því miður að ég mun að öllum líkindum komast í gleðina hjá Bjössa og Boggu. Mæli með steggjun samt seinnihluta júní.

Annars er lífid gott. Furðulegt að hlutirnir virðist vera að ganga upp svo snuðrulaust og að reyna að venjast þeirri hugsun að dveljast hér lengur er vægast sagt undarlegt. Borgin og allt sem henni fylgir er án vafa gegnvænlega spennandi og ótæmandi uppspretta tækifæra. En hjartað slær alltaf í öðru tímabelti(Það er því íslenska fyrir ykkur sem náðu ekki lélegu myndlíkinguni minni).Annars er fullt af tækifærum fyrir East Pleasant að bakka úr þessu og fleygja mér heim.

Svo maður vafri nú ekki af vananum þá var Beirut tónleikarnir frábærir. Með nýrri dagskrá er maður byrjaður að líta á tónlistar festival í ágúst sem haldið er í NY sem kallast All Points West Veit að það nær ekki með tærnar þar sem Hróarskelda er með hælana. En Radiohead lokar samt á BÆÐI föstudag og laugardagskeldin.

Já og ég á auka miða á Tom Waits tónleika í Knoxville Tenneesse í blálok júní fyrir þá sem hafa áhuga að koma með.

Gaman er hér í bæ...

2008-05-14T19:40:00.000-07:00

Beirut - Nantes mp3 (hægri klikk fyrir niðurhal)
Var að koma höndum yfir miða á Beirut tónleika í Williamsburg. Zach Condon er upphaf og endir á þessari hljómsveit sem sver sig í ættir meistara Goran Bregovic. Platan "The Flying Club Cub" var á flestum árslistum í fyrra. Vinur minn Zach spilar á Ukulele, en hann getur ekki spilað á gítar sökum úlnliðsmeiðsla sem orsaka það að hann nær ekki almennilega utan um gítarhálsinn (Ég áætla allavega eitt ukulele comment frá Tomma núna:)). Ég er allavega gríðarlega hrifinn af nýjasta disknum þeirra.

Já og bæ þe vei. Ég er búin að finna fyrirtæki sem vill ráða mig og útvega mér atvinnuleyfi. Þannig að dvöl mín í Brooklyn virðist ætla að ílengjast.

Meira seinna...

Búrma, sjálfboðavinna og Houston, Texas

2008-05-11T20:23:00.000-07:00

Sjálfboðavinna virðist vera mitt nýja mantra.
Ekki nóg með að fá sama sem ekkert borgað fyrir erfiði mitt þegar ég loks fæ borgað. Þá legg ég mig fram við að koma mér í aðstöðu þar sem umbun erfiðis míns verður ómögulega talið í krónum(þessu tilfelli dollurum). Ég get samt ekki neitað því að ég hef haft gaman að því að vinna fyrir Publicolor, Tribeca og nú síðast "local" bændamarkaðinn í Fort Greene.

Það gæti nú verið að eitthvað komi upp úr sjálfboðavinnu minni á Tribeca kvikmyndahátíðinni annað en að hitta crewið úr Blue Velvet. Ég útdeildi viðskiptakorti mínu á nokkra einstaklinga á Tribeca(Já þið lásuð rétt, ég er með "buisness cards" núna). Fékk símtal síðastliðin föstudag frá pródúsent sem var/er að gera heimildarmynd um Búrma/Myanmar og var með kamerukrew í Búrma þegar fellibylurinn lenti þar. Þannig að núna er hann að vinna í því að koma kamerukrewinu aftur til bandaríkjanna og honum vantar klippara ASAP. Frekar yfirþyrmandi stöff og maður er frekar hræddur við að fara í gegnum hráefnið ef maður fær giggið, en eins og maðurinn sagði "eins manns dauði..."

Svo fór ég líka í atvinnuviðtal hjá production fyrirtæki í SoHo þar sem þeim vantaði aðstoðarklippara. Kannski ekki draumagiggið hér í bæ en mundi styrkja mig í þeirri viðleitni að búa hérna.

Annars er ég í rannsóknarvinnu þessa daganna. Ég er að líta á að taka mér roadtrip til Houston, Texas til þess að sjá félaga minn Tom Waits spila þar seinnihluta júní. Hef hug á að keyra þangað á sem svo vikutíma sjá tónleikana og fljúga svo til baka. Maður hefur nokkra valmöguleika á að keyra þangað. Taka strandlengjuna eða keyra í gegnum small town USA. New Orleans er rétt hjá Houston þannig að maður mundi alltaf stoppa þar.

View Larger Map
Þannig að allir sem hafa áhuga á roadtrip í júní. Hafið samband :)

Talandi um Tom Waits, þá er ég að renna í gegnum "Anywhere I lay my head" nýja disknum hennar Scarlett Johannesen. Þar tekur hún cover lög af Tom Waits með að mér heyrist í gegnum fyrsta rennsli frekar döprum árangri.
"Scarlett"

"Minn maður Tom"

Annars mæli ég sterklega með að líta á fréttamannafundinn hjá Tom Waits. Þar sem hann tilkynnir væntanlega tónleikaferð sína.

Hvað get ég gert?

2008-05-09T11:28:00.000-07:00

Hann karl faðir minn var að senda mér þessa mynd sem hann tók úr nýja eldhúsglugganum sínum. Alla jafna geta flestir verið sammála um að útsýnið úr eldhúsinu sé nú til batnaðar og eldhúsið sé af þeim sökum orðið betra en nýtt. Í þessu tilfelli verð ég að vera ósammála. Þessi mynd var tekinn nýverið þar sem laganna verðir voru að hnýsast á Kársnesbrautinni.

Fákurinn minn er að mér skilst kominn með rauðan miða og má því ekki vera keyrður nema beinustu leið í skoðun. Sem hann að mér skilst mun ekki eiga afturkvæmt.

Fyrsti bíllinn minn virðist því að hafa náð að þjóna mér í sirka 6 mánuði áður en hann kom sér fyrir á (að mér sýnist) sinni endastöð.

Djöfull og dauði!

Reachin out...touchin' me, touchin' you.

2008-05-08T12:06:00.000-07:00

Fer sem fæstum orðum um að hafa þefað uppi þessa tónleika með Neil Diamond.
En þetta var algjört rugl, hvað þetta var svalt.

Hérna er vídeó af honum að taka Sweet Caroline á tónleikunum (lokalagið)

Crazyness in the membrain

You can clap if you feel it...

2008-05-07T08:01:00.000-07:00

Var að fá veður að fríkeypis tónleikum sem ég mun stökkva á eftir nokkra tíma.Ekkert merkilegt. Bara Neil með Rick Rubin við stjórnvölin :). Hef samt gaman að nafninu á tónleikastaðnum. Þetta ku vera "Neil Diamond at The Bitter End".

Meira seinna

Hátíðnipopp "vie france"

2008-05-03T10:48:00.000-07:00

Laugardagskveld í East Village.
Kveldið verður tekið með electropoppi alla leið. Var að komast að því að Adam á miða á Yelle tónleika í kveld. Sem væri kannski ekki merkilegt fyrir utan að ég hef verið að hlusta á hana síðastliðna viku án þess að vita að hún væri að fara spila hér í bæ.
Ég hef semsagt nokkrar klukkustundir til þess að ná tökum á dansstílnum í myndbandinu hennar.

--------- STÆRRI FRÉTTIR -----------

Talsmenn Tom Waits voru að gefa út tilkynningu um blaðamannafund á mánudaginn næstkomandi. Ef hann er að fara að spila einhversstaðar í USA meðan ég er á svæðinu þá er það roadtrip. Frekari upplýsingar á mánudaginn.
Ég vill líka óska Blikum til hamingju með sigurinn í dag.
Allt sem er grænt, grænt...Smellið á myndina til þess að fá frekari upplýsingar

Ég er frá Barcelona

2008-05-01T21:27:00.000-07:00

Svíapoppið búið. Það var jafn gott og digital myndavélin mín er léleg. Langt síðan ég upplifði jafn mikla gleði samanþjappaða í einu húsi. Jafnvel hörðustu Brooklyn-ítar gáfu sig, brostu hringinn og dönsuðu af sér alla skanka. Svíarnir sem voru að spila sína lokatónleika á þessu ferðalagi voru svei mér þá hátt upp í 30 manns upp á sviði.

Það fer að líða að lokum af Tribeca. Ég var svo lánsamur að fá að taka í spaðann á Dennis Hopper sem stakk óvænt inn hausnum á sýningu á Night Tide. Einni af fyrstu myndum Hopper. Það fer að líta út fyrir það að ég sé kominn í Blue Velvet þema. Isabella og Dennis búin. David Lynch, Laura Dern, Kyle McClachan og Angelo Badalamenti eftir, þá er þetta komið.

Please vote!

2008-04-25T22:39:00.000-07:00

Eyddi deginum í dag í sjálfboðavinnu fyrir Tribeca Film Festivalið. Mikið að mismunandi fólki í vinnu við þá hátíð. Ég var það heppinn með tímasetningu mína að ég er svokallaður "floating volunteer" sem þýðir að ég get unnið eins mikið/lítið og ég vill(en maður fær bíómiða fyrir unna tíma). En að sama skapi mun ég fá tækifæri að vinna út um allt, en ekki bara fastur í sama kvikmyndahúsinu vakt eftir vakt. Litrófið af sjálfboðaliðum var allt frá powersuit lögfræðingum yfir í leikara sem eru að leita að tækifærum(og jafnvel "wetback" klippurum frá Íslandi).
Kvikmyndahátíðin var sett á fót á sínum tíma til þess að styrkja miðbæinn eftir 9/11(sem ég vissi ekki). Og fólk virðist vera ennþá að koma og gefa vinnu sína minningu þeirra atburða.
Anyhows, maður fékk strax á fyrsta degi að hitta á celeb. Isabella Rossilini (eða bara Bella, eins og ég kalla hana) mætti á fyrstu sýninguna sem ég vann við. Þannig að ég fékk tækifæri að rétta henni kosningaseðil og biðja hana að kjósa. Starstruck:)Mun síðan þjóta í fyrramálið og vonandi ná miðum á Once Upon A Time In The West. En ég var að frétta að sýningin verður í MoMa(Museum of Modern Art). Sem bæ þe vei Ólafur Elíason er með sýningu þar þessa stundina

Teygt úr sér og andað!

2008-04-23T14:19:00.000-07:00

Sit í afslöppun þessa stundina. Tónleikarnir með Múm og Hjaltalín nýbúnir. Krakkarnir úr 101 voða sætir og hressir. Tónleikastaðurinn var helvíti skemmtilegur. Masonic Temple er sirka 5 mín. ganga upp götuna hjá mér sem er tiltölulega þægileg staðsetning. Það virðist vera að þeir séu nýbyrjaðir með tónleika í þessu húsnæði. Allt er í upprunalegu ástandi, bókstaflega. Því staðurinn er að drabbast niður en að mínu mati er það stór hluti af hverju ég er hrifinn af honum.
Sem er eins gott því á föstudaginn fer ég aftur á the masonic temple en í þetta skiptið er það I'm from Barcelona. Indí Popp frá Jönköping, Svíþjóð.

Eins og sést þá er þessi hljómsveit í heild sinni næstum því 30 meðlimir. Hvort þeir verði allir mættir á föstudaginn set ég spurningamerki við >?<

Þagnareið, 17 tíma vinnudagar, Budweizer og Hokkí

2008-04-15T05:38:00.000-07:00

Er orðinn rangeygður á að sitja við tölvuskjá og klippa. Kanadjöfulinn og yfirmaður minn hann Mike (sem minnir á stundum óþyrmilega á Ari Gold í entourage.... Bamm this and Bamm that og getur ekki hætt að tala). Fyrir utan Budweizer drykkju og ótæmandi íshokkí- og hafnarboltaáhuga.
Samhliða klippivinnu þá sit ég á bjórsvamli hjá þeim í stúdíó-inu og læri að horfa á hokkí og hafnarbolta(ekki viss um hvort ég kom til New York fyrir það, en það gerist ekki bandarískara). En þetta blessaða verkefni verður búið á mánudaginn.

Á þriðjudaginn mun ég sofa út vakna, taka lestina upp á 11th street pub þar sem ég mun fótboltabullast yfir sigri Liverpool yfir Chelsea :). Sá leikur er klukkan þrjú um daginn. Svo um kveldið virðist vera að ég sé að fara á upscale góðgerðar-gala fyrir þetta blessaða Publicolor grín. Það verður áhugavert.

Á fimmtudaginn mun ég tölta niður heimagötu mína og fara á Múm og Hjaltalín tónleika. Gott að flytja mig í aðra heimsálfu til þess eins að fara á tónleika með íslenskum hljómsveitum.

Í síðustu viku stökk ég og hitti á kontakt fyrir annað verkefni. Þetta var að vísu verkefni sem ég myndi ekki fá borgað fyrir en mér er nokk sama meðan ég væri atvinnulaus. Michael Nova hjá Nova Músik hét hann þannig að þetta leit nokkuð sannfærandi út og mér leist ágætlega á verkefnið þangað til ég mætti inn í stofu heim til hans þar sem hann lét mig skrifa undir samning um þagnareið varðandi verkefnið. Eftir það skellti hann því framan í mig að hann væri að biðja mig um tveggja mánaða launalausa vinnu. Þannig að ég og Michael virðumst ekki eiga samleið.

Annað verkefni sem ég tók að mér er 5 mín. "pilot" fyrir raunveruleikaþátt. Engin greiðsla en ef þátturinn verður tekinn upp af sjónvarpsstöðinni þá mun ég fá borgað. 3-4 daga vinna. Tveir kvenmenn sem vinna í bransanum og gott að fá kontakta.

Svo að sama skapi er ég í sjálfboðavinnu fyrir Tribeca Film Festival sem verður í gangi næstu tvær vikur. Hrúga af myndum og spennandi atburðum. Eitt af því er Once Upon A Time in the West sem verður sýnt í gullfallegu gömlu bíóhúsi.

Þannig að það virðist vera nóg að gera næstu vikur. Lítið af peningum eftir þetta gigg en Ce la Vie.

Þetta var compact blogg útgáfan af mínum dögum.

Working the Night Train

2008-04-12T12:35:00.000-07:00

Gleðilegan og hressilegan daginn

Stór tíðindi! Það er allt útlit fyrir að strákurinn sé búinn að útvega sér sína fyrstu atvinnu í hinni stóru borg sem New York er.

Merkilegt nokk þá virðist allt stefna í það að ég muni klippa kynningarmyndband fyrir publicolor góðgerðarstarfsemina sem ég vann fyrir síðastliðin laugardag í Bed-Stuy(sjá síðustu færslu). Það var kameru krew að skjóta þann dag sem ég spjallaði lítilega við og ég lét þá hafa kontakt upplýsingarnar mínar auk þess aðgang að online-ferilskránni minni.

Það fyrirtæki kallast Night Train og svo vildi nú til að klipparnir þeirra voru uppteknir í öðrum verkefnum. Þannig að félaginn kallaði mig til á fund þar sem við spjölluðum lítilega og nú er ég til reynslu hjá þeim í tvo daga að hlaða inn efninu.

vinnuaðstaðan mín

Sýningardagur er 22. þessa mánaðar þannig að ef allt fer eftir áætlun þá mun ég sitja sveittur í svítunni þeirra að klippa efnið niður. Það verður síðan sýnt á fjáröflunar-gala þar sem fólk mun útdeila ávísunum eins og vindurinn í publicolor starfsemina.

Staðsetningin er nokkuð ljúf. West 30th street, milli 7th og 8th Avenue á 15. hæð þar sem ég horfi yfir Madison Square Garden.

Skuggalegar svalir

Fyrsta vika

2008-04-07T21:48:00.000-07:00

Maður er ennþá að reyna að láta hausinn hætta að snúast, en lífið er gott. Maður er búinn að finna opinberan Liverpool pöbb á Manhattan og hann er mjög traustur, samhliða því að vera mjög breskur eins og gefur að skilja. Maður náði fyrri meistaradeildarleiknum á móti Arsenal þar og ég mun taka þann seinni leik líka á morgunn (ég sleppti deildarleiknum þar sem hann byrjaði hálf átta um morguninn).

Fór á Eels tónleika á miðvikudaginn sem var slappur þannig að maður fer sem fæst orð um það.

En á laugardaginn brá ég mér a kreik. David sem ég deili íbúð með, dró mig í sjálfboðavinnu sem hann vinnur fyrir. Samtökin heita publicolor og áður en ég vissi af var ég kominn Dangerous Minds á þetta. Upp í öxl í ghetto-inu að mála grunnskóla með einhverjum grunnskólakrökkum. Komst að því til dæmis að ég væri mjög "jiggy" og það væri mjög "whack" að ég væri frá Íslandi. Ég veit ekki hvort er verra að vera kallaður þessum nöfnum eða lýsa atvikinu með gæsalöppum. En ghettó-ið var helvíti skemmtilegt. Þið getið skemmt ykkur við að reyna finna mig á myndinni :)

Kveldið sem kom í kjölfarið var líka mjög þétt. Adam átti miða á Jens Lekmann sem ég fyrir einhverja ástæðu hafði ekki komið mér í að chekka á. Þannig að ég þurfti ad fara til New York til þess að uppgvötva mannin. Mjög góðir tónleikar. í kjölfarið af þvi var svo partý og gleði einhversstaðar i Bushwick, Brooklyn sem var haldið af mjög huggulegum ítölskum frænkum.

Meira var það ekki

Liggur i faðmi Lafayette

2008-04-01T17:10:00.000-07:00

Maðurinn er lentur og hefur það gott. Íbúðin lítur frábærlega út. Lenti í tæplega 20 gráðum minn fyrsta dag og ég gæti ekki verið að fríka meira út. Meðleigundirnir eru nú að elda handa mér innflutningsmáltíð og lífið er gott. Hverfið er gullfallegt og verður þeim mun fallegra þegar sumarið kikkar inn og já ég er ennþá atvinnulaus.

Ég vill bara þakka Hrefnu og Ingvari fyrir gullfallega og góða máltið og ekki var "WII" party-ið verra. Kveldið var mjög ljúft og nokkuð ljóst ad maður á góða að.

By the way...
eg er kominn med simanumer uti...
+001-917-620-4124

Fuglinn floginn

2008-03-30T17:23:00.001-07:00

Ég stekk á bak og við stormum nú af stað...

2008-03-25T18:42:00.000-07:00

Nú á seinustu metrunum virðist ég vera finna veika punktinn í þessu yfirvofandi ferðalagi mínu. Það er að skilja við góðvin minn til margra vikna. Hér er um að ræða Toyota Tercel-inn minn. Ég setti vandamálið í skaut föður míns og gróf vandamálið þar. Með von um að hann myndi finna draumalausn á þessu vandræðalega ástandi mínu. En þegar nær dregur sé ég að ég gæti þurft að grípa til annara úrræða.

Tercel-inn(ég skal ekki ljúga) er í allt í lagi ástandi. Ég mundi ekki segja að hann myndi hlaupa í gegnum skoðun, en eftir smáyfirferð og kynferðisgreiða við skoðunarmanninn þá er jafnvel að hann gæti keyrt um götur bæjarins án þess að líða líkt og þjófi að nóttu. En það verður ekki litið fram hjá því að þetta er fornbíl með gríðarmikla sögu. Gríðarlega fallegt eintak og ef allt gengur upp þá er jafnvel hægt að skoða það að láta hið fornfálega kassettu safn fylgja með....

Það eru titlar eins og:
- Michael Jackson - Bad
- Never Ending Story - Original Soundtrack
- David Bowie - Let's Dance
- David Bowie - Golden Years
- Guðmundur Karlsson - Jólasögur
- Deep Purple - Fireball
- 30 mínútur af útvarpslýsingu handknattleik Ísland-Svíþjóð frá 1989 og svo á hinni hliðinni er bylgjulistinn frá sama ári (frá sæti 14 til 6)
- Svo eru fleiri fleiri titlar að ógleymdri safnkassettu UK-17 með titlum eins og ofantalið gríðarsterka 1700 vindstig með Karli Örvarsyni, Bræðrabandalaginu með Sólarsamba og Ný Dönsk með fram á nótt svo fáein séu nefnd.

Þannig að ef einhver gæti hjálpað mér að finna farsæla lausn handa mér og fák mínum gæti sá sami fengið gamalt páskaegg frá Skjá Einum.

Jesú skriðin af krossinum

2008-03-24T18:00:00.000-07:00

Páskarnir að líða undir lok. Þetta hefur verið nokkuð samkvæmt formúlunni. Ofát, fjölskyldusamkomur, félagadrykkja, þynnka, lélegur fótbolti, borðspil, Will Ferrell sem skattakarl og jafnvel svo sem eitt páskaegg.

Sirkús sat undir árásum á þessari heilögu hátíð þar sem einhver sá sér ástæðu að kveikja í kofanum, hauskúpa stakk upp hausnum í sumarbústaðalandi í Kjósarhreppi en ekkert að óttast þar sem hjólhýsaeigandi kom og lýsti sig yfir sem eiganda hauskúpunar. Enginn ástæða til þess að líta á þetta nánar. Tíbetbúar eitthvað óhressir og 17 ára Selfyssingur var skráður týndur í 25 mínútur. Hann hefur greinilega tekið sér of langan tíma að leita sér að páskaegginu sínu.

"Enginn veit hvað undir annars stakk býr"

Var málshátturinn minn í ár. Ekki veit ég hvernig ég á að lesa í hann. Set það í hendurnar á ykkur sem lesa þessa blessuðu bloggsíðu mína. Annars hefur þetta verið tíðindalaust og með jafnaðargeði eins og stefnan var tekin í ljósi þess að maður er að fara út eftir slétta viku núna.

Lag færslunar er með Vampire Weekends...

Lafayette friggin' Avenue

2008-03-20T18:45:00.000-07:00

Katrina & The Waves - "Walking on Sunshine"
Lífið er ljúft þessa daganna. Í dag á ég heimili. Í dag hoppaði ég yfir eina af nokkrum þeim grindum sem liggja fyrir framan mig í því grindahlaupi sem ferð mín til New York er. Nokkrir góðhjartaðir Brooklyn búar sáu auman á mér og buðu mér herbergi. Lafayette breiðgata er staðsetning heimili míns næstu mánuði fyrir þá sem munu koma og kíkja á kappann. Fyrir þá sem ekki sjá sér fært að kíkja í kaffi mæli ég með að klikka hér. Brosið er að koma sér þægilega fyrir og má segja að ég gangi á sólskini eins og staðan er núna. Flogið verður eftir 10 daga og get ég sagt að atvinnuleysi hefur sjaldan verið svo baðað glæsiljóma (já, ég veit að glæsiljóma er ekki orð).

Annars vill ég nýta tækifærið og þakka Tómasi Beck fyrir að hýsa okkur vinina síðastliðin miðvikudag. Gleðin var góð og selskapurinn ekki verri. Ég er því til sönnunar enn að bera þess merki. Wind of Change tekið á gallsúra kareókí staðnum fyrir neðan gamla L.A. Café er jafnvel önnur betri og haldbærari sönnun.
Scorpion - "Wind of Change"

Sagan kvödd

2008-03-18T12:40:00.000-07:00

Síðasti vinnudagurinn fyrir hönd Saga Film runninn upp. Ég hef dvalist nú í landi auglýsinga í 6 mánuði. Lært og unnið mikið. Þakklátur fyrir að hafa fengið tækifæri að vinna í þessu fyrirtæki sem er með íhlut í stærstum hluta af verkefnum innan míns geira. Gerði samt ekki ráð fyrir að dvöl mín yrði eins stutt og hún varð en Nýja Jórvík náði að læsa klónum djúpt í hugsunum mínum og nú í viðleitni minni við að losna úr viðjum hennar þá stekk að því virðist vera beinustu leið í kreppu Bandaríkjanna.

Ég kann að tímasetja þetta!

Modest Mouse - "Bankrupt on Selling"

No sleep til...

2008-03-11T04:58:00.000-07:00

	Beastie Boys - No Sleep Till Brooklyn

	Found at skreemr.com

Nú eru rétt rúmlega 2 vikur þangað til gleðin hefst. Stefnan er tekinn á Williamsburg, Brooklyn.
Ég skiptist á milli þess að hlakka ósegjanlega til og svo vera að fríka út útaf vitleysunni sem ég hef komið mér í. Lítið við því að gera núna þar sem það bíður mín ekkert á skerinu nema atvinnuleysi og helvítis snjórinn sem virðist ekki geta farið.

Adam Gordon félagi minn mun bjarga mér fyrst um sinn þegar ég mæti á svæðið en annars er ég byrjaður að skanna að leigja mér herbergi og vera þá meðleigjandi helst í Williamsburg þá. Markaðurinn er stór og virðist kaninn hafa gaman að því að fá umsóknir frá Íslending og það virðist vera mér til góðs(ekki stór markaður fyrir Íslendingahatara þarna í stóra eplinu).
Svo ofaná húsnæðisleysið þá er ég að sama skapi atvinnulaus þegar ég kem þarna út. Að sama leyti með atvinnumarkaðinn og húsnæðismarkaðinn þá er hann stór en kannski með aðeins sterkari kröfur(jafnvel atvinnuleyfi!!! :)). En það verður bara koma í ljós.

Í versta falli verð ég "drunk in Brooklyn" í þrjá mánuði og kem heim í meðferð....

God's back from business!!!

2008-03-05T11:21:00.000-08:00

Það slær um mann kaldann svita!!!
Það svífa stórar fréttir yfir vötnum í tónlistarheiminum...
Maðurinn sjálfur er jafnvel að fara túra aftur
Tom Waits túrar afskaplega lítið og seinast tók hann einungis átta tónleika um suður- og miðbandaríkin og einu ástæðan sem maðurinn gaf fyrir því að hann skyldi hafa túrað yfir höfuð var:
"We need to go to Tennessee to pick up some fireworks, and someone owes me money in Kentucky,"
Son of a mother hvað maðurinn er svalur.

Megi guð geyma mig ef þetta ku vera rétt.
Því þá mun ég fórna lífi og limum að ná tónleikum með þessum manni.

No Need to Ask My Name....

2008-03-03T06:05:00.000-08:00

...to figure out how cool I am.
Justice - DVNO

Add to My Profile | More Videos

Franska dúóið komið með nýtt of svalt myndband.

Meira hér um kumpánana
Wikipedia
Myspace

Stolt Allra Landsmanna

2008-02-25T09:30:00.001-08:00

Var að koma höndum yfir nokkur lög úr laugardagslögum Bylgjunar bakk in þe dei. Það er að segja 1989. Hér er hann Ágúst Ragnars mætur með hörku pólitískan hittara. Fannst ekkert annað en við hæfi að deila þessu með ykkur. Er núna að hlaupa í gegnum Landslög bylgjunar í gegnum árin og það verðuð að segjast að maður hefur fengið nokkra aulahrolla en sumt er bara nokkuð gaman að staldra við. Ekki það að stoppi við eitthvað lengra...

I drink your milkshake!

2008-02-25T07:21:00.001-08:00

Var að horfa á P.T. Anderson myndina "There Will Be Blood" og guð minn heilagi guð hvað hann Daniel Day Lewis er sterkur í þessari mynd. Fyrir utan að hann var sirka í 98% af öllum römmum af myndinni þá var hann eins óvægið náttúruafl. Maður gat ekkert annað gert heldur en sogast með.
Hann er með nokkrar einræður þar sem er strax búið að kirfilega skrá sig á arkir kvikmyndasögunnar. Þar á meðal "I drink your milkshake" ræðuna í lok myndarinnar sem geigvænleg(þrátt fyrir hjákjátlega línu).

Með frumlegu og þéttu soundtracki frá gítarleikara Radiohead, Jonny Greenwood ásamt góðum leik hjá þögula "Little Miss Sunshine" unglingnum í hlutverki ofstæka bæjarprestsins þá get ég semsagt mælt með þessari ræmu fyrir þá sem ekki hafa séð hana. Þó það verður að segjast að ef Daniel Day Lewis væri ekki í henni þá væri hún í besta falli áhugaverð.

Laugardagslögin

2008-02-23T06:23:00.000-08:00

Hef verið nokk miklu tónlistarsvelti þar sem ég hef ekki fengið skammtinn minn af nýrri tónlist frá félaga mínum Birni Vals (shout out).
Þrátt fyrir billega mynd þá hefur þessi maður heldið mér upp tónlistarlega síðustu misseri og var nú loks að henda í mig nokkrum GB af kraumandi sizzlandi undir glænýrri tónlist.

Ligg ég nú undir feld og reyni að hlaupa yfir þetta en gef ykkur smá forsmekk af því sem rennur í gegnum eyru mín þessa daganna....

Hot Chip
Nýja platan þeirra kom út núna í byrjun febrúar og virðist vera að þessir menn geta ekki tekið feilspor. Eftir nokkrar hlustanir virðist gripurinn renna nokk ljúft í gegn. Fyrstu tvö lögin Out at the pictures og Shake a Fist stökkva á mann og láta mann vilja taka eilífðardansinn eins Ragga Gísla hefur verið að reyna að fá mig í svo lengi.
Out at the Pictures
Dizzee Rascal
Grime meistarinn með plötuna Math+English. Þessi gaur er kannski ekki alveg fyrir alla en mæli samt með reynslukeyrslu. Veit ekki hvað er að heilla mig hérna, hvort það er oldskool beat'in, hnausþykki hreimurinn eða hvað, en ég er hrifinn. Hef alltaf augun opin fyrir þessum félaga.
Sirens
Justice
Rakst á þessa félaga af remix disk frá Soulwax og verð að segja að ég var mjög hrifinn. Kannski er það að nýjasta platan þeirra heitir † (það er að segja bara merkið kross). Ég veit það ekki en er spenntur að komast yfir meira með þeim.
Phantom
Og svo loks Eels
Annars er ég með Eels í gangi til þess að vinna úr efni þeirra áður en ég fer á tónleika með þeim þann 2. apríl í Nýju Jórvík. Þetta er band sem hefur verið til í áratug núna og var að gefa út box sett með samantekt á ferli þeirra. Eels hafa verið að setja eitt og eitt lag á vinsældarlistanna yfir tíðina en efni þeirra er að mínu mati nokkuð consistant og gott. Kannski fullpoppað en samt...
Novocaine for the Soul
Flyswatter
I Like Birds

Stick to what you love...

2008-02-22T06:06:00.000-08:00

Var að rekast á mann að mínu skapi.
Stephin Merritt sem hefur sömu skoðun á fatavali og ég. Ekki skemmir fyrir að hann er einn af höfuðpaurum Magnetic fields sem er búsett (hvar annars staðar!!) í New York.

Smá snert af Segulmögnuðu Sviðunum fyrir helgina.

Love is like a bottle of Gin

The Sun goes down and the World goes Dancing

Hvíldardagur

2008-02-10T06:44:00.001-08:00

Hvíldardagurinn tekinn hátíðlega við vinnu upp á Skjá Einum. Sjónvarpsstöðvar að fara að lenda í vandræðum með sjónvarpsdagskránna vegna verkfalls handritshöfunda. Maður hefur verið svolítið á tánum yfir þessu verkfalli vegna þess að síðast þegar handritshöfundar frá draumaverksmiðjunni fóru í verkfall þá fékk almenningur raunveruleikaþætti í hendurnar sem ennþá er ekki séð fyrir endann á. Það var talað um að Kaninn fái þá þeim mun meira af fréttum í stað Jay Leno og Grey's Anatomy. Sé ekkert að því, nema kannski ef það sé Fox fréttir.

Annars var ég að rekast á að Mark Oliver Everett aðalhöfuðpaurinn í Eels sé að fara að spila í New York nokkrum dögum eftir að ég lendi. Þannig að nú er ég stoltur eigandi nokkura miða á þá tónleika. Skil eftir smá tóndæmi handa ykkur til að takast á við nýja vinnuviku.

Eels - Trouble with dreams

Fögur er hlíðin

2008-02-09T06:48:00.000-08:00

Sjaldan hefur maður stokkið jafn mörg skref afturábak og með þessum blessuðu flutningum heim á Kársnesbrautina. Það er alltaf gaman að vera kominn í hlýlegt umhverfi pabba með sínum löngu setningum, prjónaskapnum hjá mömmu, kjarnyrtum athugasemdum Jonna frænda og ég fer sem fæstum orðum um litla bróðir minn Hjörvar.
En það er eitthvað ónátturúlegt við unga sem er orðinn fleygur og jafnvel gott betur en það(vill ég meina) að skríða aftur í hreiðrið.
En vesturbærinn í Kópavogi fer alltaf vel með mann en ég neita því ekki að maður bíður eftir New York.

En maður lokar þessu á litlu laugardagsnúmeri frá David Byrne og félögum frá '85 sem tekur á ferðalögum.

"We know were we are going but we don't know were we've been.
and we know what we knowing but we can't say what we have seen.
and we're not little children and we know what we want.
and the future is certain, give us time to work it out."

Gjörið svo vel og góða helgi.

Hver gæti neitað þessu?

2008-01-18T17:36:00.000-08:00

Hver gæti hugsað sér að fara að missa af þessum gimsteini?
Ég sjálfur er í töluverði tilvistarkreppu að yfirgefa þetta athvarf mitt.

Ég vil þakke Jake Hand fyrir myndirnar af bælinu. Hand gengið frá Chicago skilar alltaf sínu.

Háfleygir draumar

2008-01-17T10:24:00.000-08:00

Enn og aftur er komið að því. Stórmót í handbolta! Það verður að segjast að þótt maður allajafna horfi þeim mun frekar á fótbolta heldur en handbolta þá er lítið í stöðunni en að fleygja öllu frá sér þegar landsliðið í handbolta tekur upp harpex dolluna.

Kannski er það af því að þetta er eina íþróttin sem Íslendingar eiga möguleika á að skapa sér nafn innan í sögu íþrótta. Eða kannski af því að íþróttin sem slík er gríðarlega hröð og ekki fyrir þá sem eru með hérahjörtu.

Fyrsti leikur er á móti félagslegu raunsæu Svíunum. Við skulum vona að við byrjum þetta vel.

Þangað til seinna.

Íbúðaferli

2008-01-16T03:14:00.000-08:00

Agalega getur verið leiðinlegt að leigja út íbúð. Hugtök eins og Tryggingavíxill, Bankaábyrgð, tíma- og ótímabundinn samningur, úttekt á leiguhúsnæði og what the fuck. Annars ber ég mig ágætlega þrátt fyrir að standa í miðju íbúðavandræðagangi samhliða hinu almenna janúarþunglyndi sem herja á alla landsmenn, leigusala jafnt sem leigendur.

Jonni frændi átti afmæli í gær. Hinir stóru fjórir fjórir(það er 44 ára fyrir þá sem eiga erfitt með að lesa í vondu beinu ensku þýðingu mína). Til hamingju Jonni.

Endurkoma ársins!

2008-01-10T14:40:00.000-08:00

Landsmenn læsið að ykkur! Stórtíðindi eru á lofti. Nei, ég er ekki að tala um að Tommy Lee er að koma á skerið heldur er Urban Assault að safna kröftum. Blikur eru á lofti að valinkunnir einstaklingar í þessu gengi muni koma sér saman á ný. Staðsetningin er óvænt, Álftamýraskóli verður nú fyrir barðinu á okkur. Þannig að þeir sem eiga stefnumót í Safamýrini eftir kl. 18 á föstudagskveldið skulu hugsa sig betur um. Því Urban verður þar. Ég vil enda þetta á fleygum frasa frá engum öðrum en Ragga T. sem hann lét frá sér fyrir ofangreint tilefni:

"BERJAST!"

Seinasti Jólasveinninn

2008-01-06T03:56:00.000-08:00

Jæja þá er enn og ný komið að því. Dólgurinn á afmæli enn á ný og nú er "litli" bróðir orðinn 21. árs. Til hamingju og í þetta skiptið virðist ég vera að sleppa við að halda teiti honum til höfuðs.

Síðasta ár hefur farið tiltölulega vel með kappann. Helst ber að nefna þá evrópuferð með Unni. En ég verð að klappa Unni lof í lófa að umbera dólginn þrátt fyrir að hafa verið dreginn á 85% af öllum fótboltaleikjum í álfu sem kennd er við Evrópu.

Fyrir þá sem eru með puttana á púlsinum geta kannski hjálpað mér að finna mér nýtt fótboltalið til þess að styðja. Mínir menn í bítlaborginni eiga nefnilega ó stökustu erfiðleikum með að vinna lið sem er með minni stúku en valsmenn (sem bæ þe vei ég er að fara byrja æfa með).

En annars getur maður kannski endað vikuna með vænu sunnudagslagi.
En það er enginn annar en stjórinn sjálfur. Hef verið að hlusta á Born in the U.S.A. þessa vikuna og þetta lag hefur náð einhverjum tökum á mér
Bruce Springsteen - I'm on fire

Breyttir tímar

2008-01-05T06:29:00.000-08:00

Þá er sambúðin að líða undir lok. Í febrúarbyrjun fer Háteigsvegurinn í hendurnar á öðru og kannski betra fólki. Eins og kannski sést þá eigum ég Lygin ekki samleið lengur. Grettisgatan tekur honum kannski betur. En ég fer beinustu leið í ógæfu og djöfuldóm í borg óttans.

Ef einhver þarna úti er að leita að retró 70's íbúð til leigu á besta stað í 105 með öllum tilheyrandi húsgögnum. Þá er hægt að hafa samband.

Hermann Hermann Hermann

Flutningar...

L.A. kvödd

í ruglinu...

Dog Day Afternoon

Gledilega Paska

My hood

Leiðin mín til vinnu

Strandblak klipp í L.A.

1 ár sem nýbúi

Laugardagur til gleði. . .

Pasta Partý

America

Til hamingju með afmælið, mamma...

Christian Laettner...

-11, shæze.....

Loksins almennilegur snjór...

Fært sig um set..

New York 1609 vs. 2009

Miðvikudagsbolti á Pier 41

1/2 Bring the Noise....

Bring the Noise...

Fimbulkuldi....

Níu um morgunn.

Fjögur um daginn.Þetta er það mesta sem við fáum af snjó í borg óttans. Það er yfirhöfuð alltaf kaldara í New York miðað við Ísland en samt virðist þið fá meira af snjó.Er ég að biðja um of mikið þegar ég bið um snjóþunga viku?

Posted via Pixelpipe.

Guð blessi sænsku kvenþjóðina

sha...

Kári, Ólöf of ég...

Kári, Ólöf of ég...

iPhone færsla...

Posted via Pixelpipe.

Þolinmæði þrautir vinnur allar...

Á skotskónum

Þakkargjörð

Löng helgi

Fjöllin eru vakandi...

________

Det Snurrar I Min Skalle

Build-O-Bama

Íslenskum pólítíkusum er kannski viðbjargandi?

18 ár...

Klukk tíu x fjórir

Joe plumber

Nýlentur í heimsborginni

Komradinn kveður

leitað að nýju looki

Staðfest heimkoma....

Lítil færsla fyrir þyrsta...

helgin sem leið....

Shining Escalade

Thug Life...

Ein færsla fyrir nostalgíuna...

6-1 !!!!!!!

Afslöppun í garði Greene!!!

NYC Soundtracks

Nothing but Grace...

Gamla hreiðrið aftur á markaðinn

Knoxville

Lentur aftur í hringiðunni

Missti af fluginu....

Annuals, Tom Waits og Modest Mouse

Ljósmyndir

Hugur leitar heim...

Laugardagskveld í borginni....

Gaman að vera Bliki....

Lærlingar, loftkæling og bókasafnsskápar

Föðurbróðir !!!

Summer in the City

Gaman er hér í bæ...

Búrma, sjálfboðavinna og Houston, Texas

Hvað get ég gert?

Reachin out...touchin' me, touchin' you.

You can clap if you feel it...

Hátíðnipopp "vie france"

Ég er frá Barcelona

Please vote!

Teygt úr sér og andað!

Þagnareið, 17 tíma vinnudagar, Budweizer og Hokkí

Working the Night Train

Fjögur um daginn.

Þetta er það mesta sem við fáum af snjó í borg óttans. Það er yfirhöfuð alltaf kaldara í New York miðað við Ísland en samt virðist þið fá meira af snjó.

Er ég að biðja um of mikið þegar ég bið um snjóþunga viku?